جميع الاراء بهذا المنتدى تعبر عن اصحابها , والاعلانات الخاصه لا تمت للمنتدى بصله
 
البوابةالرئيسيةبحـثالتسجيلدخول

شاطر | 
 

 دورة EnglishTown لتعليم الإنجليزية على النت (جولة داخل الدورة بالصور)

اذهب الى الأسفل 
كاتب الموضوعرسالة
العنزي
مشرف
avatar

المساهمات : 50
تاريخ التسجيل : 01/03/2008

مُساهمةموضوع: دورة EnglishTown لتعليم الإنجليزية على النت (جولة داخل الدورة بالصور)   الإثنين مارس 17, 2008 1:33 pm

السلام عليكم
بناء على طلبالاخوان الطلاب الاعزاء في موضويعهم من درس الانجليزية على الانترنت؟؟
حبيت اني اسوي لكم تقرير بسيط عن الدورة ... لأني اشتركت فيها لمدة شهر ... وتوي قبل يومين خلص اشتراكي


---------------------------------------------------------
سعر الدورة : 39 دولار للشهر ... يعني 150 ريال للشهر
كل الي تحتاجه بطاقة ماستر كارد او فيزا ....
اذا حطيت بياناتك وبينات بطاقتك ... يتم السماح لك بالدخول للموقع والاستفادة من جميع الخدمات لمدة اسبوع كامل
ولايتم سحب المبلغ خلال الاسبوع الاول ... لو الغيت الطلب خلال اول اسبوع .. لايتم سحب المبلغ .. ويعتبر كتجربه لك
بعد انتهاء اول اسبوع ... يسحبون منك 150 ريال
يتم سحب 150 ريال من بطاقتك شهريا .. حتى لو ماطلبت تجديد .. الا اذا الغيت الطلب قبل انتهاء الشهر ... يكملون لك الشهر ولايسحبون الشهرالجاي
---------------------------------------------------------
مستويات الدورة :
الدورة تتكون من مستويات من 1 الى 13 ... تقدر تاخذ الاختبار الي مسوينه حتى يحدد لك المستوى المناسب لك
او تقدر انت تحدد المستوى الي تبي ... مع العلم انك لو اخترت مستوى معين .. واثناء الدورة لاحظت انه صعبه او سهله عليك
تقدر تغير المستوى بكل سهولة.
أحب أنوه أنه لازم يكون عندك لغة انجليزية لو الاساسيات .. لأن الموقع بالكامل انجليزي .. والدعم الفني انجليزي والدروس والمدرسين انجليزيين .. ولافيه عربي اطلاقا ... لذلك تتفاهم معهم وتراسلهم والشرح يكون بالانجليزي.
---------------------------------------------------------
المدرسين :
المدرسين كلهم متحدثين اصليين للغه ... جنسياتهم هي من الدول التاليه :
بريطانيا - كندا - امريكا - استراليا
لذلك في احد الدروس قد تصدف يكون المدرس بريطاني .. وغيرها يكون امريكي
---------------------------------------------------------
كيفية الدروس :
تسوي لك جدول ... وتحدد المواد الي تبيها مع العلم انك تقدر تعدل الجدول او تحذف ماده في اي وقت تبيه لو انشغلت مثلا
مب زي جداول الجامعه تطلع روحك ماحذفت ماده
هذي صورة لجدولي ...


فيه انواع للدروس ... بعض الدروس الموجودة بالموقع :
المحادثات الصوتيه << راح افرد لها حديث خاص بالاسفل
القواعد
الكتابة
المفردات ومعاني الكلمات
النطق (امريكي و بريطاني)
دروس مسلية على شكل العاب
جميع ماذكر بالاعلى تقوم بدراستها بشكل ذاتي .. مع نفسك ويتم تقييمها اما بشكل تلقائي اول ماتخلص من التمرين او الدرس عن طريق الكمبيوتر
او يقيمك احد المدرسين بعد الاطلاع على ماقمت به بمدة اقصاها 48 ساعة مثل واجبات مادة الكتابة
مع وجود دروس يومية مجانية عن طريق البريد الالكتروني


---------------------------------------------------------
المحادثات الصوتية :
تنقسم لقسمين ...
القسم الأول:
يوجد غرف محادثات صوتية خاصه بالطلاب فقط .. يدخلونها اي وقت ولو 24 ساعه باليوم ..يعني متى مابغيت
يتكلمون فيها عن اي شي ... عبارة عن محادثه صوتيه وكتابيه بنفس الوقت .. مع وجود غرف ثانيه خاصه بالتشات الكتابي فقط
الي بالصورة المحادثات الصوتيه للطلاب


القسم الثاني:
الدروس الصوتية ... وهذي محدودة .. شهريا لك 12 درس صوتي
يشرف عليها احد المدرسين حقين الدورة ... ويكون اقصى حد للطلاب في كل فصل 8 طلاب فقط
مدة المحاظرة من 40 الى 50 دقيقة
يكون عندك مسبقا مواضيع المحاظرة لكل اسبوع .. عشان تكون على علم وش الموضوع الي راح تاخذونه اليوم
المدرسين قمة في الادب والاخلاق ... طيبين ولايحرجونك على الاطلاق
حتى اذا احد ماتكلم مثلا مستحي او شي .. زيي اول مادخلت ... يقولون يمكن عنده مشكلة بالمايك ..ويقعدون يعلمونك وش تسوي عشان تهرج وكيذا
فيه سبورة ... يشرح من خلالها المدرس او المدرسة ... يكتب عليها ملاحظات او يحدد كلمات او يحل تمارين
طبعا بداية كل محاظرة لازم المدرس يتعرف على الطلاب واحد واحد ... الاسم والدولة والوظيفة والهواية
كل الطلاب يشاركون في الدرس بالصوت ...
لو عندك سؤال تقدر ترفع ايدك ... تقدر تحط خشه تضحك لو قعد ينكت المدرس .. وتقدر تحط علامة "صح" او "خطا" لو بغيت تقول "نعم" او "لا" لاحد اسئلة المدرس
شوفوا الصورة تحت .. صورتها داخل الفصل
شوفون مرتز بأول طاولة بالفصل ... عند طاولة الأبله


وهنا مع المدرس جاك ... وهو يشخبط على السبورة
شوفون رافع ايدي ابشارك


---------------------------------------------------------
الصورة هذي تجيب لك درجات الدروس الصوتيه الي اخذتها ... والواجبات الكتابيه
وتقييم كل مدرس لك .... واذا ضغطت على الدرس ... يطلع لك كلام وتعليق من المدرس على مشاركتك بالدرس او كتابتك للواجب
يصحح اخطائك وينبهك على بعض الاشياء


---------------------------------------------------------
هذي تطلع لك بعد نهاية كل وحده .. تقيم كل درس اخذته ... وفيه غيرها يجيبون نقاط ضعفك ونصايح لك فيما يخص الوحده الي درستها


---------------------------------------------------------

اخيرا ...
رايي بالدورة .. انها ممتازة جدا .. تعلمت اشياء كثيرة من الدورة ... وفادتني المحاظرات الصوتية بشكل كبير
خصوصا انك تخاطب شخص امريكي او بريطاني ... وهذا يساعدك في تنمية لغتك .. مع العلم انهم يعدلون لك نطقك لو اخطأت بنطق احد الكلمات.

استفدت ايضا من الواجبات الكتابية ...لو تلاحظون الصورة بالاعلى الي مكتوب My Writings
قمت بارسال 5 واجبات كتابية خلال شهر .. مع انه يمديني اكثر ... بس اني مهمل شوي
اول واجب لي كانت درجتي 75 من 100 .... الواجب الخامس صار 95 من 100

فيما يخص الشهادة .. مالحقت عليها ولا ادري وشي ولا وش مكتوب فيها
لأنك تاخذها في نهاية كل مستوى ... وانا كان باقيلي وحدتين واخلص المستوى 5 .. بس مالحقت
الصدق هو اهمال مني .. والا هو يمديني اخلص المستوى الخامس كله بشهر واحد

اسف على الاطالة ...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
دورة EnglishTown لتعليم الإنجليزية على النت (جولة داخل الدورة بالصور)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ثانوية ناصر بن عبدالله العطية المستقلة :: قسم اللغة الانجليزية :: قسم اللغة الانجليزية مقرر الصف الحادي عشر-
انتقل الى: